طفله تسولف لي عن الحب بشويش

طفله تسولف لي عن الحب بشويش
وانا كذا بشويش مجنون طفله

لاقلت (أحبك بس) صفت لي الجيش
جيش الرموش اللي غزتني بغفله

وقالت بهمسه ذايبه(اممم بس ايش)
(الاممم) هذي بس ياخوك حفله

سكت قالت اووووه من دون تطنيش
ومافيه عرق(ن) بالجسد ماعزف له

(وأموت بك) قالت ولاتوكلك عيش
تعبت الآقي مفرده تنوصف له

طفلة(ن) يجرح خدها ملمس الريش
حتى الخطا لاسوته ينتصف له

علمتها إن الأماني لها طيش
وعلمتها إن المواعيد جفله

دنقت طاحت دمعتي واصرخت ليش؟
قلت التعب يابنت غصب انجرف له

قالت وهي تمسح على شفاي بشويش
بشويش لاتبكي من الحزن طفله

مدامنا بالكون هذا نبي نعيش
دنياك ماتسوى من شفاك تفله
منقول

مشكور على جهودك

حسـ فلسطين ـناء

العفـوـو